Print Friendly, PDF & Email

Scho wieder is a Jahr vorbei
Jetzt bist scho zwoa Jahr in unserm Leben dabei
Host glacht, host gwoant, host umma bockt
Und di schmollend ins Eckerl ghockt

Host vui neue Wörter daher bracht
Mei wos ham mia mit dir glacht.
Host glernt auf deine eignen Fiass zum steh
Und mit offene Augen durchs Leben zum geh

Bist oft gnuag auf dei Naserl purzelt
Und liegen blieben, wia festgwurzelt
Bist owa oiwei wieder aufgstanden
Um wieder auf deim Popscherl zum landen

Host dein eignen sturen Kopf
Mit an blonden glockten Schopf
Später brauchst dein Dickkopf sicher, des is klar
Heut kunnt i drauf vazichtn, owa wahr

Host uns so vui Freude gmacht
In so vui Glücksmomenten mit uns glacht
Mia wissen gar nimmer wias ohne di war
Du bist oanfach wunderbar

Bleib so fröhlich wia du bist
So freundlich, dass di koana vagisst
So hilfsbereit, wiast des jetzt scho machst
So tröstend weilst so wahnsinnsliab lachst

Zum 2. Wiegenfeste
Wünschen mia dir nur des Allerbeste
Mia lieben di ja so sehr
Gebn di niemois nimmer her

Alles Liebe
Deine Lisbeth
aus Deiner Lieblings-Lese-Ecke

www.lieblingsleseecke.com
Facebook: Lieblings-Lese-Ecke
Instagram: lieblings_lese_ecke
Pinterest: lieblings_lese_ecke

#lieblingsleseecke #gedicht #gedichte #poetry #poesie #reimen #dialekt #mundart #anlass #anlässe #geburt #geburtstag #hochzeit #hochzeitstag #schulabschluss #lehrabschluss #anlass #anlässe #geschenk #überraschung #lesen #lesespaß #hobbylesen #freizeit #schreiben #schriftstellerin #autorin

© 2019 – Lisbeth A. Kießling – www.lieblingsleseecke.com

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.